January Thlakhat Chung Lawng Ah Mithah 129 Le Tlaihhrem 113 Ahmuh A Cang
City Hunter| 2018 February 28| Kawlram hi kumkhat hnu kumkhat in mithah lainawn, tlaihhrem a tam chin lengmang. 2018 January thlakhat chung te lawng ah Kawlram ah mithah le tlaihhremhnak ahmuh a tam bik tiah theih a si.
Kawlram ah ahmuh a ngan bikmi 10 chung ah 9 cu mithah le tlaihhrem ahmuh a si. 2018 January thlakhat chung Kawlram ah mithah lainawn ahmuh zapi 129 a si. Hi chung ah Rangoon ramthen in ahmuh tam bik, 24 a si. Sagaing le Irrawaddy ramthen, cun Shan ramkulh ah ahmuh 18 cio in a tam bik changtu an si.
2018 January thlakhat chung ah tlaihhrem ahmuh zapi hi 113 a si i Irrawaddy ramthen ah ahmuh 24 in a tam bik. Rangoon ramthen ah hmuh 23, Sagaing ramthen ah ahmuh 16 in an tam pawl an si ve.
Ahmuh nganmi zapi hi 283 a si i a tam bik pathumnak cu ningcanglo bu/phu ahmuh hi a si. A dang ahmuh pawl a simi rithaisii ahmuh zapi 986, phun 38 ahmuh fami zapi fonh 7576 a cang tiah Myanmar palek zung nih an thanh.
Ref: DVB Burmese
About The Author
