Karenni Phufonh Nih Hpasawng Lamṭhen le Pura Ah Hmunhma A Khuar Mi SAC Ralkap An Kah Hna, Hriam 17 An Lak Khawh

0

The Chinland Post | 2024 March 11 — Karenni ram, Hpasawng khua hlei lamṭhen le pura ah hmunhma a khuar mi SAC ralkap pawl cu March 9 ah KPLA le Karenni dothlennak phu pawl nih an kah hna i meithal zuun 17 le kuanzen pawl an lak khawh tiah KPLA nih an thanh.

KPLA B9420 le adang dothlennak phu pawl nih an kah hna hi a si i meithal zuun 17 le kuanzen, Drone thlaknak seh telh in ralkap cheukhat zong an tlaih hna tiah KPLA nih hmanthlak he an langhter.

February thla dongh thawk in Hpasawng khua pawngkam le khuachung kahdohnak pawl ah Karenni phufonh nih an rak kah hna i SAC lei nih vanlawng kahdohnak voi tampi a tuah ve.

March 5 ah Hpasawng Myoma palek sakhaan cu Karenni phufonh nih an lak khawh i SAC ralkap ruak cheukhat zong an lak khawh tiah Karenni lei thawngzamh nih an chim.

About The Author

Na ruahning rak langhter ve.. (Leave a comment)

%d bloggers like this: