Khrihfa mi pawl a hleikhun in doh an si lai phan a um
The Chinland Post | 2023 February 10 — SAC nih peng 37 ah ralkap uknak a thanh caah Khrihfa mi pawl an umnak hmunhma pawl SAC nih a hleikhun in a doh lai hi Khrihfa mi le nuhrin covo phu nih an phang tiah UCA nih a langhter.
Uknak caan thla 6 an chap caah, Sagaing, Magway, Bago, Taninthary le Chin, Kayah, Karen le Mon ram peng pawl cu SAC nih February 2 in ralkap uknak a thanh.
Article 144 ning in zaanlei sml 6:00pm thawk in zinglei sml 6:00am karlak tiang a hohmanh leng chuah lo ding le minung 5 nak tam i but lo ding tiah an thanh.
Ralkap uknak a tak ah ṭuanchuah khawh nak hnga Khrihfa mi pawl an umnak khuate pawl doh khun ding in atu an chuah mi nawl nih hin a lam a awn ter kho tiah Mandalay khua Pastor pakhat nih UCA thawngzamh ah a chim.
Chin ramkulh ni tlaklei peng 7 le Kayah ram ni chuahlei peng 4 cu Khrihfa mi pawl an umnak a si leng ah tlangcung miphun le Khrihfa minung pawl in dirh mi hriamtlai phu pawl an tam.
About The Author
