Konekyan Sakhaan In A Zaam Mi MOC 16 In C.C A Thi i 7 An Tlaih Hna

0

The Chinland Post | 2023 December 6 — Kokang hmunhma, Konekyan sakhaan in a zaam mi ralkap pawl cu MNDAA nih pehzulh in an kah hna hi MOC 16 kuttang Company Commander 1 an thah khawh i ralkap le pyithusit 7 a nung in an tlaih hna tiah unau hawikom phu nih an thanh.

Operation 1027 a ni 40 nak December 5 ah kahdohnak dirhmun an thah mi a si i December 4 zaanlei ah Kokang, Shi-shan hmunhma, Shauk-kai-kyi lamṭhen ah ralkap MOC 15 kuttang Commander an thah khawh hi a si i Konekyan sakhaan cu MNDAA nih November 28 ah an lak khawh i cu hlan November 27 ah MOC 16 bawi telh in ralkap 100 leng an zaam.

Ralkap le pyithusit 7 an tlaih khawh hna i phungning tein an umter hna tiah theih a si.

Cun December 3 zinglei zong ah MNDAA nih Mone-kyat sakhaan in a zaam mi ralkap IB 520 in ralkap 1 an tlaih khawh tiah theih a si.

Ralkap byuha sakhaan ngan pawl, ralkap sakhaan ngan pawl, hme pawl, ralkap a bawmtu umnak hmunhma pawl ah kahdohnak kan tuah i tlaih mi ralkap le mipi pawl cu Geneva Convention ning tein an umter hna tiah unau hawikom phu 3 nih an thanh.

About The Author

Na ruahning rak langhter ve.. (Leave a comment)

%d bloggers like this: