Kyaukdaw Le Mrauk U Khua Um SAC Ralkap Battalion 2 AA Nih An Lak
The Chinland Post | February 6, 2024 — Rakhine ramkulh, Kyaukdaw hrambunh Military Operation Command 9 kuttang um LIB 376 le Mrauk U hrambunh LIB 378 ti in battalion 2 cu Arakan Army AA nih an lak tiah thawngthanhnak an tuah.
February 2 zaanlei sml 2:00pm ah Kyaukdaw hrambunh LIB 376 battalion cu an lak, February 5 ni zinglei 9:30am ah Mrauk U hrambunh LIB 378 cu an lak khawh.
Minbya, Kyaukdaw le Mrauk U khua um Arakan ralkap AA sin ah hriamchiah in a sung an pek hi a si.
SAC ralkap kuttang um ramri hngak palek sakhan pakhat zong Bangladesh ram Maungdaw khua um sakhan hi February 5 ah AA nih an kah lio ah palek pawl sakhan chuah tak in Bangladesh ram chung lei an zaam. Nihin tiang ah Myanmar ram in SAC ralkap le palek Bangladesh ram lei a zaam mi 60 leng an si cang tiah BMC news in theih a si.
Photo- January thla ah Kyauktaw peng hrambunh LIB 539 battalion le Miakpi ralkap battalion No. 377 cu AA ralkap nih an lak lio hmanthlak
About The Author
