June 21, 2024

Kyaukgyi ah SAC ralkap pawl Drone in voi 8 an doh hna, 10 an thi

0

The Chinland Post | 2023 January 16 – Bago ramṭhen, Kyaukgyi peng chung ah SAC ralkap pawl Drone in voi 8 an doh hna i SAC ralkap 8 le Pyusawhtee 2 an thi tiah Bago Region PDF sin in thawng theih a si.

January 15 zinglei sml 8:50 hrawng ah Naungkone khua ah a um mi SAC ralkap sakhaan cu Drone in an doh hna i SAC ralkap 2 an thi, chun sml 2:15pm hrawng ah voikhat, 2:43pm ah voikhat tiah an doh chap hna.

“Kan hawikom phu hruainak in PDF battalion 3702 nih kan doh hna, SAC ralkap 8, pyusawhtee 2 an thi i 4 an i hliam. SAC pawl thil an i chanhnak hlei pakhat a rawk” tiah Bago Region PDF rianngeitu nih Khit Thit ah a chim.

January 13 zinglei sml 10:00am ah Kyaukgyi-Nattan lam cung ah a um mi SAC ralkap pawl drone in an doh hna i Thabaw hlei a rawk, SAC ralkap 4 le pyusawhtee 2 an thi tiah theih a si.

January 14 ah a rawk mi hlei a rak remh mi SAC ralkap pawl cu zing sml 7:44am ah voikhat, zing sml 8:00am ah voikhat, chun sml 1:10pm ah voikhat le zaanlei sml 5:50pm ah voikhat tiah drone in bom an thlak hnawh hna i SAC ralkap 2 an thi, 4 fak pi in an i hliam tiah theih a si.

About The Author

Na ruahning rak langhter ve.. (Leave a comment)