June 22, 2024

Mandalay ah thongtla phor mawṭaw an kah, palek 2 an thi i thongtla 2 an luat

0

The Chinland Post | 2022 September 30 – Mandalay ramṭhen, Kyaukse palek sakhaan ah an hren mi hna ramkhel thongtla 8 cu Mandalay Oobu thong ah kuat ding in a rak chuakmi thongtla phor mawṭaw cu Amarapura peng Myitnge hlei pawngah Truth Keeping Force – Amarapura khuachung kahdohnak a tuahtu phu le a hawikom phu nih an kah hna i palek 2 an thi, ramkhel buainak ruangah an tlaihmi thongtla 2 an chanh khawh hna tiah theih a si.

Tuzing sml 9:00am hrawngah khuachung kahdohnak a tuahtu phu nih myitnge hlei pawng ah thongtla phor mawṭaw cu kan bawh i kan kah, thongtla phor mawṭaw chungah aa telmi minung 8 an zaam kho nain 6 cu an tlaih ṭhan khawh hna caah 2 lawng kan chanh khawh hna tiah Truth Keeping Force – Amarapura nih a thanh.

Thongtla phor mawṭaw cungah aa telmi ramkhel thongtla hna cu Myitnge Aungthapyae cozah rianṭuantu umnak ah an tlaih mi hna a si i an chanh khawhmi hna 2 zong himnak hmun ah kuat ding in tawlrel lio a si tiah an thanh.

Kahdohnak chungah palek 2 an thi i an tlaih ṭhan khawhmi thongtla 1 zong hliam a tuar. Khuachung kahdohnak a tuahtu phu lei him tein an kir kho tiah theih a si.

About The Author

Na ruahning rak langhter ve.. (Leave a comment)