May 20, 2024

Mizoram ah Chinmi 2 rithai sii he an tlaih hna

0

The Chinland Post | 2022 August 22 – India, Mizoram, Champhai pengkomh August 19 ah Chinmi pa 2 cu rithai sii lung 50,000 le bing 14g he kan tlaih hna tiah Mizoram rithai sii a dohtu phu nih an thanh.

Rithai sii he an tlaihmi hna hi Tedim peng in kum 26 le kum 24 a simi pa pahnih an si tiah theih a si.

125 Kenbo cycle he rathai sii an phorh lio lampi ah an tlaih hna hi a si i an tlaihmi hna cu rithai sii he aa pehtlai mi phung in sual an phawt hna tiah theih a si.

August 9 zongah Mizoram, Aizawl ah Myanmar rammi pakhat cu bing 63.43g he an rak tlaih.

Myanmar ralzaam tampi an i dornak Mizoram ah rithai sii an tlaihmi a tam chin lengmang i a hlei in India-Myanmar ramri lei in a rak lutmi Myanmar rammi hna sin in bing a tambik an tlaih.

Myanmar rammi hna nih Mizoram chungah rithai sii zuar lo ding le nan tuah rih a si ahcun fak piin a zizut nan si lai tiah Chin hriamtlai phu pawl nih ralrin peknak an thanh.

About The Author

Na ruahning rak langhter ve.. (Leave a comment)

%d bloggers like this: