Muse Le Nantphetkar Karlak Um Nantpaw SAC Ralkap Sakhaan Lak Nak Ah Hriamnam Phun 32 Le Ralhrang A Nung In  2 An Tlaih

0

The Chinlandpost | December 1, 2023 — Chaklei Shan ramkulh, Muse pengkomh le Kutkhai pengkomh karlak Nantphetkhar lak um Nantpaw SAC ralkap sakhaan pakhat  laknak ah hriamnam phun 32 le ralhrang a nung in 2 an tlaih hna tiah theih a si.

Nihin December 1 zing 5:00am ah Nantphetkar le Muse karlak Union lampi cung um Monechaung hlei hngak Nantpaw ralkap sakhaan cu PSLF/TNLA nih an lak, mah Nantpaw ralkap sakhaan hi PSLF/TNLA ralkap phu nih 1027 operation min in November 27 in kah hram an thawk, kahdohnak ni 5 a rauh hnu December 1, zing 5:00 am ah sakhaan dihlak an lak khawh.

Sakhaan laknak ah SAC lei hriamnam 60MM hriamngan telh in, hriamnam phuntling zuun 32, kuan le zen, ralkap 2 a nung in an tlaih hna, Nantpaw sakhaan kah lio ah SAC Jet fighter voi 21, Y8/Y12 vanlawng voi 5, Mi 35/Mi 17 voi 3 nak tlawm lo in kah a bawmh hna.

December 1 ni tiang ah unau hawikom phu hna nih Chaklei Shan ramkulh ah SAC ralkap sakhaan 230 leng an lak cang tiah Khit Thit Media nih a langhter.

Photo- Credit My Tsaw Kasa /- SAC sakhaan laknak ah hriamnam hmanthlak

About The Author

Na ruahning rak langhter ve.. (Leave a comment)

%d bloggers like this: