Paletwa ah CDM a tuahmi siangcachim pawl kan zohfel ṭhan hna lai tiah peng fim cawnnak phu nih a thanh
The Chinland Post | 2022 October 19 – Chin ramkulh, Paletwa peng ah a ummi CDM a tuahmi siangcachim pawl CDM an tuah tak le tuah tak lo kan zohfel ṭhan hna lai tiah Paletwa Township Education Board nih October 18 ah a thanh.
CDM siangcachim pawl nih a hlan ah CDM cazin ah min an rak pek ko nain a hnu ah Non-CDM a tuah ṭhan mi cheukhat an um caah atu bantuk in an zohfel ṭhan hi a si.
CDM a tuah tak mi hmun dang, peng dang, ramṭhen dang in siangcachim hna nih Paletwa Township Education Board phu sin ah a rannak in cazin rak pe uh tiah an thanh.
Cun Paletwa Township Education Board phu nih a rak pehtlai lomi siangcachim pawl cu CDM cazin in hnawh ṭhan nan si lai i Non-CDM ah ruah nan si lai tiah ralrinnak a thanh.
Paletwa Township Education Board phu nih mipi hrambunh in fim cawnnak phung a kalpi i peng chung khua 60 leng le ralzaam camp 10 ah Primary, Middle siahngakchia 5,000 leng cu siangcachim 160 nih mah thazang tein an chimh hna tiah theih a si.
About The Author
