Paletwa Peng Ah Arakan Army AA Nih Gate Tuah In Ei Din Thilril A Lut Mi Tax An Lak
The Chinland Post | February 7, 2024 — Chin ramkulh, Paletwa peng ah mipi ei-din thilri a phortu hna cu Arakan Army AA nih gate tuah in tax an lak hna tiah Kimo Media sin in theih a si.
Paletwa pengchung kahdohnak ah Paletwa-Kyaukdaw ti lam, Motor lam vialte khar an si caah tualchung mipi ei mi facang le adang thilri vialte cu Myanmar-India ramri Mizoram lei in a rak lut mi cu AA nih gate tuah in tax an lak hna.
“Ramri Shin Let Wa khua ah AA nih gate an tuah. Paletwa ah kahdohnak a um hnu in tualchung mipi cu ralzaam in an um caah riantuan ding a um lo hlei ah tangka hmuhnak zong an ngei lo. Mah bantuk chan chia karlak caan ah a tu bantuk in AA nih tax an lak hi mipi kan si caah a har ngai ko” tualchung mi nih Kimo media ah a chim.
Source: Kimo Media
Photo- Paletwa-Mizoram motor lam ah AA nih an tuah mi Signboard
About The Author
