Pyithu Hluttaw Speaker U Win Myint Nih A Rian A Chuahtak Ve

0

MYANMAR PARLIAMENT

City Hunter| 2018 March 21| Myanmar ram, Pyithu hluttaw Speaker (Chairman) U Win Myint cu a rian in aa dinhnak le a chuahnak kong cu March 21 ah tuahmi Pyithu hluttaw ah Vice Chairman U Ti Khun Myat nih meeting a kaimi MP zapi sin ah chimrelnak a ngeih.

President U Htin Kyaw nih a rian a dinhtak/a chuahtak ni thengmang te ah atu bantuk in Pyithu hluttaw Speaker nih a rian a dinhtak/a chuahtak ve caah a lawngmi President thutdan cu U Win Myint a si kho tiah Kawlram ramkheltu cheukhat nih an ruahdamhnak an chim cio.

Myanmar ramkomh President U Htin Kyaw nih atu a tlaihmi a rian in dinh a duh ruang ah 2018 March 21 thawk in President rian in aa phuak cang tiah rampi President zung nih March 21 ah an thanh.

Myanmar ramkomh phungphrampi pohmah 73 (b) he aa tlakning in a lawngmi President rian (post) cu ni 7 chung ah midang a thar rian pek khawhnak ding kan tawlrel lai tiah an thanh chih.

President zung in chimnak nawlngeitu U Zaw Htay nih, “A si, a ngandamnak a tha ko, a hlan in kan thanh tawn bantuk in khan. A herhmi operation aa tuah i a tha ko. Sihmanhsehlaw, dinh a duh caah atu bantuk in rian in aa phuahnak le aa dinhnak hi a si. President thar thimnak tu cu ramkomh hluttaw ah pohmah 73 ning in thim colh a si ko lai” tiah DVB ah a chim.

Phunghrampi pohmah 73(b) ah rampi President rian (thutdan) a lawn tikah ramkomh hluttaw meeting tuah lio a si ahcun a lawngmi President thutdan cu ni 7 chung i rian an pek khawhnak ding caah caankarlak (atu) President nih hluttaw lutlai sin ah a rannak in thawng a thanh lai tiah aa tial.
Ref: 7Day News, DVB

About The Author

Na ruahning rak langhter ve.. (Leave a comment)

%d bloggers like this: