Ramkomh Thimnak Commission Nih Chin Party Pakhat Telh In Ramkhel Party 14 A Hrawh Cang

0

City Hunter| 2018 March 26| 2010-2018 tiang ah ramkomh thimnak commission zung nih Chin ramkhel party pakhat telh in Myanmar ramchung ramkhel party 14 an hrawh cang tiah kan theih.

Party kip in thimnak tuah thawkmi 2010 kum ah a tlawm bik thimfung hmunhma pathum hmanh i an i zuam khawh lo ruang ah ramkhel party 5 hrawhpiak an si. Hi chung ah Chin ramkhel party pakhat a simi Myo Ethnic Party aa tel.

Cu bantuk in 2012 kum caankarlaknak ah siseh, 2014, 2017 le 2018 kum i party aa fonhmi hna ruang ah siseh, ramkhel party 9 cu Myanmar ramkomh thimnak commission nih an hrawhpiak hna.

Atu ah Myanmar ramchung ramkhel party hmatpungtin a tuahmi zapi hi 95 an si. Hi ramkhel party 95 lakah hin Chin ramkhel party 10 renglo an i tel. Chin min aa bunhmi ramkhel party nganbik pathum Chin National Democratic Party (CNDP), Chin Progressive Party (CPP) le Chin League for Democracy (CLD) hi party pakhat ah i fonhnak khua an khaannak hi a sau taktak cang nain an i fonh kho ve rih lo. Chin ramkhel party a hme deuhmi pawl nih anmah pathum an i fonh ahcun kannih zong kan i fonh ve ko lai tiin cathanh an rak chuah bal tiah kan theih.
Ref: DVB

About The Author

Na ruahning rak langhter ve.. (Leave a comment)

%d bloggers like this: