Ramree Kahdohnak Ah Ralkap 60 Leng An Thi
The Chinland Post | 2024 February 27 — Khuachung kahdoh a fahnak Rakhine ram, Ramree khua ah ralkap 60 leng cu February 24 le 25 ah an thah khawh hna tiah AA nih an thanh.
Helicopter 5 in voi 7 tiang ralkap bawmhnak a rak pek mi SAC ralkap battalion 2 in thazang 120 hrawng a si mi SAC ralkap pawl cu an kah hna i 60 leng an thah khawh hna i a tang mi SAC ralkap battalion pawl zong an kah thluahmah hna tiah AA nih a thanh.
Ramree kahdohnak ah a sung tuk mi SAC ralkap pawl cu Southwestern Command kuttang Irrawaddy ramṭhen, Kyonpyaw khua hrambunh LIB 36 battalion le Western Command kuttang Ann khua hrambunh IB 377 nih Helicopter 4 in voi 7 tiang Ramree khua ah thazang a chap hna tiah an thanh.
Ramree khua kahdohnak chung in SAC ralkap ruak le kuanzen pawl zong tampi an lak khawh tiah AA nih an thanh.
About The Author
