SAC Nih Mindat Peng Ah Vanlawng In Bom A Thlak, Mipi Pakhat A Thi, Pathum An I Hliam
The Chinland Post | 2024 June 5 — Chin ramkulh, Mindat peng ah a um mi khuate pakhat cu SAC ralkap nih vanlawng in June 4 zaan sml 12:00pm hrawng ah bom a thlak caah mipi 1 a thi, 3 an i hliam bantuk in mipi inn 3 zong a rawk tiah CDF-Mindat nih June 5 ah thawng a thanh.
Mindat peng chung sianginn, biaknak lei inn pawl, sizung, sikhaan le mipi umnak inn pawl cu SAC nih van lawng in bom a thlak lengmang caah bomkhor ṭha tein i cawh cio ding in Mindat peng mipi uknak phu nih June 4 ah an thanh ve.
Mindat peng Vomtu khua ah a um mi Vomtu sizung cu a luancia April 25 ah SAC nih vanlawng in 500lb a rit mi bom lung 4 a thlak caah sizung ning in a rawk i mizaw le mizaw a cawng mi minung 5 an thi, minung 30 hrawng an rak i hliam.
About The Author
