SAC Nih Mindat Peng ah Vanlawng In Bom Voi 10 Nak Tlawnlo A Thlak
The Chinland Post | 2024 April 1 — Chin ramkulh, Mindat peng, Mindat in meng 40 aa hlatnak khuate pakhat cu zinglei sml 1:40am hrawng ah SAC nih Jet kahdohnak vanlawng in bom lung 2 a thlak caah khuate chung mipi inn le biaknak lei inn a rawk tiah The Mindat Post nih a langhter.
Cun zinglei sml 11:30am hrawng ah zinglei i bom a thlaknak hmunhma pawnghrawng cu Jet kahdohnak vanlawng 3 in bom voi 10 leng ah khuate pawl cu vanlawng cung in Machine Gun in an kah tiah Mindat peng mipi uknak phu nih an thanh.
Cubantuk vanlawng kahdohnak chung ah mipi pawl nih mipi hna nih timhcia tein an rak i cawh cia mi bomkhor pawl, himnak hmun pawl ah an i ṭhial manh ko hna nain mipi inn cheukhat a kangh caah khuami hna nih an thah len tiah an chim.
About The Author
