SAC Ralkap le Kalay Peng PDF karlak Kahdohnak Ah Hriamtlai 2 An Nunnak A Liam
The Chinland Post | 2024 March 22 – Kalay peng chaklei, Kyaung-teih khua pawng, March 20 ah SAC ralkap le Kalay peng PDF hna karlak ah kahdohnak a chuak i mipi hriamtlai lei 2 an nunnak a liam tiah theih a si.
“SAC ralkap pawl hi Kyaung-teih khua chaklei le thlanglei ah an um. Kahdohnak hi nifatin in a chuak. March 20 kahdohnak ah mipi hriamtlai 2 an nunnak a liam. Hliam a tuar mi zong an um. Kaphnih lei in aa hliam mi an um” tiah Kalay peng PDF hriamtlai 1 nih Zalen ah a chim.
SAC ralkap le pyusawhti pawl nih hmunhma an khuarnak Kyaing-teih khua cu a luancia March 16 ah mipi dothlennak phu pawl nih an kah hna i khua an lak khawh. Kahdohnak chung ah hriamtlai 2 an nunnak a rak liam i nizaan kahdohnak zong ah hriamtlai 2 an nunnak a liam chap hi a si.
About The Author
