Salingyi peng kahdohnak ah PDF 2 SAC nih an hnawng an tan hna, pakhat a tlau
The Chinland Post | 2022 December 14 – Sagaing ramṭhen, Salingyi peng, December 9 kahdohnak ah PDF 2 an nunnak a liam i pakhat a tlau tiah theih a si.
Salingyi peng chung ah a rak lut mi SAC ralkap pawl cu cuka hmunhma PDF phufonh nih bomrap an puah hnawh hna i kahdohnak a chuah hi a si.
Kahdohnak chung ah Mg Aung Paing Soe telh in PDF hriamtlai 3 an tlaih hna tiah theih a si.
“Hriamtlai 3 an tlaih hna, kan hawile phu in 2 an lu an tan hna. Pakhat a tlau rih. Hriamtlai Mg Aung Paing Soe a ruak cu December 10 lawng ah kan hmuh ṭhan” tiah PDF phu hruaitu Suan Thu Aung nih a chim.
Mg Aung Paing Soe hi a pa nih a thihtak cang hna i a nu he lawng um mi an si. A nu cu kanmah nu bantuk tein kan zohkhenh lai tiah a chim chap.
About The Author
