Seikphyu le Myaung ah kahdohnak a chuak i SAC ralbawi 1 telh in 13 an thi
The Chinland Post | 2023 January 31 — Magway ramṭhen, Seikphyu-Saw lam ah SAC ralkap pawl bomrap an puah hnawh hna i bo 3 bawi telh in 7 an thi tiah Seikpyu pengkomh PDF sin in thawng theih a si.
January 29 zing sml 11:00am hrawng ah SAC ralbawi 1 telh in ralkap 7 cu mawṭaw 1 cit in Phalanma khua an luh lio ah bomrap lung 3, hri bom lung 2 in an puah hnawh hna i an 7 ning tein an thi tiah theih a si.
Cu bantuk in Sagaing ramṭhen, Myaung peng ah SAC ralkap pawl cu mipi hriamtlai phu pawl nih bomrap voi 3 an puah hnawh hna i SAC ralkap 6 an thi tiah T.R.G phu sin in thawng theih a si.
January 29 zinglei sml 5:00am hrawng ah Kyaukyit palek sakhaan in a rak chuak mi SAC ralkap pawl cu Kin le Kopin khua karlak ah a voikhatnak bomrap an puah hnawh hna i 1 a hmun ah a thi, cu SAC ralkap pawl ṭhiamṭhiam cu Kopin khua an luh ah a voihnihnak bomrap an puah hnawh ṭhan hna tiah thawng theih a si.
Myaung lei kir ding in Nabat khua in a rak chuak mi SAC ralkap pawl cu Myaung le Kutokone khua karlak ah bomrap an puah hnawh hna i 2 a hmun ah an thi, Myaung khua an phak ah hliam a tuar mi chung in 3 an thi ṭhan chap tiah T.G.R sin in thawng theih a si.
About The Author
