Shan-Karenni Ramri Kahdohnak Ah SAC Ralkap 60 Leng An Thi
The Chinland Post | 2023 March 29 — Shan le Karenni ramri, Pinlaung le Pekon peng zarh 2 leng kahdohnak chung ah SAC ralkap 60 leng an thi tiah Karenni kahdohnak lei thawngzamh nih an langhter.
Pinlaung peng, Ṭhiṭamaung ah March 10-18 tiang ni 9 chung kahdohnak a chuak i SAC ralkap le PNO/PNA lei in 49 an thi tiah kahdohnak chung aa tel mi nih People’s Spring ah an chim. Cun Luaihuai khua March 25-26 kahdohnak ah SAC lei in 20 an thi tiah theih a si.
Karenni ram ah SAC nih Pinlaung peng, Shadaw peng, Demoso peng le Bawlakhe peng hna ah SAC nih kahdohnak hmun 4 samh in ralkap phu 12 a thlah hna i an lut tiah theih a si.
Cun March 11 Pekon peng kahdohnak ah SAC ralkap ruak 19 an hmuh i a nung in 6 an tlaih hna leng ah hriam tampi zong an lak khawh tiah Pekon PDF B02 nih a rak thanh.
SAC ralkap a thi mi an tambiknak kahdohnak hi Demoso peng nichuah lei ah a um mi Dawṭamagyi khua kahdohnak a si i SAC ralbawi telh in 90 leng an thi, 7 an tlaih hna i 50 leng hliam tuar mi an umnak March 20-23 tiang kahdohnak a si. Cu kahdohnak ah Karenni phu hna nih hriam phun 40 leng le kuanzen tampi an lak khawh tiah theih a si.
About The Author
