June 17, 2024

Thantlang khua hmunhma ṭhial ding in SAC nih a timhtuah

0

The Chinland Post | 2022 August 22 – Chin ramkulh, Thantlang khua sersiam ṭhannak program tuah ti loin India le Thantlang ramri a simi Dawn ah ṭhial ding in Chin ramkulh cozah nih a timhtuah tiah theih a si.

SAC ralkap pawl nih an khangh ruangah a ciam dih deng cangmi Thantlang khua ṭhialkamnak tuah dingin SAC kuttang Sate cozah nih a timhtuahmi a si tiah theih a si.

Dawn khua cu India-Myanmar ramri ṭio tiva kam ah a ummi ramri khuate pakhat a si i inn dawng 250 leng khuasa an si.

“A luancia June 30 ah Chin ramkulh cozah phu meeting an ṭhu. Thantlang khua sersiam ṭhannak kong an ceih. Chin ramkulh cozah nih a rawk dih deng cangmi Thantlang khua sersiam ṭhannak in hmun dangah i ṭhial sehlaw a ṭha deuh hnga maw tiah Central cozah sinah a chim. An chimnak ah, ramri khuapi zong a si lai i hmailei ah India he fawi tein thil luhchuah khawhnak hnga caah an saduhthah a si tiah an chim. Asinain Central cozah nih a al hna. A lungtling lo” tiah min a langhter duh lomi nih Mizzima ah a chim.

SAC ralkap nih Thantlang khua cu voi 34 a khangh cang i khuami zapi te cu Mizoram telhin, hmunkip ah ralzaam dirhmun in an um tiah theih a si.

About The Author

Na ruahning rak langhter ve.. (Leave a comment)