Thlakhat Chung Ah SAC Ralkap Nih Nu 30 An Thah Hna
The Chinland Post | 2024 February 29 — 2024 February 1 in 2024 February 28 tiang SAC ralkap nih Myanmar ramchung nu 30 an thah cang hna i cu chung ah a cheu nu 15 hi Sagaing ramṭhen in an si hna tiah AAPP nih a thanh.
Cu nu 30 chung ah kum 18 tang nu 4, kum 60 cung nu 4 an i tel. SAC ralkap hriamngan le kahdohnak ruang ah a thi mi hi 9 an si.
Myanmar ram ah hramhram in uknak lak a si hnu kum 3 leng caan chung ah SAC ralkap nih sualnak ngei lo minung 4,600 leng an thah cang hna tiah Assistance Association for Political Prisoners (AAPP) nih a thanh.
Atu cazin hi 2021 February 1 in 2024 February 21 tiang AAPP nih a khawmhsuat mi a si i khawmhsuat khawh mi leng ah a thi mi an tampi rih lai tiah a langhter.
Pau Dothlennak chung, tuni tiang ah minung 20,168 an tlaih/hren cang hna i cu chung ah minung 8,27 cu thongthlak ding in biakhiah an si.
Dothlennak he pehtlai in an tlaih/hren hna i thah ding tiah biakhiah a tong mi 121 an um i hriawh in thah ding tiah biakkhiah a si mi 43 telh in minung 119 cu hriawh in thah ding tiah biakhiah an si caah thah ding tiah biakhiah a si mi an zapi te 164 an um cang.
Atutiang ah biakamnak he an thlah ṭhan cang mi hna 6,031 an um tiah AAPP nih a thanh.
About The Author
