June 21, 2024

Tipin khua ah SAC ralkap an lut i mipi 2 le PDF 4 an thah hna, mipi inn 120 leng an khangh

0

The Chinland Post | 2023 January 5 – Sagaing ramṭhen, Kyauk Myaung peng, Tipin khua ah SAC ralkap pawl ni 2 chung an lut i mipi 2 le PDF 4 an thah hna tiah Wo Am I army sin in thawng theih a si.

December 27 chun ah SAC ralkap pawl FAW mawṭaw 3 in Tipin khua ah meithal puah bu in an lut i mipi inn 120 leng cu December 28 ah an khangh i mipi 2 le PDF 4 an tlaih hna tiah theih a si.

“January 1 ah SAC ralkap pawl nih an khangh mi Tipin khua ah hmunhma zoh ding in kan kal i mipi inn 120 leng, mipi 2 le PDF 4 ruak zong kan hmuh” tiah Who am I Army rianngeitu nih Khit Thit ah a chim.

SAC ralkap pawl cu phu 2 ṭhen in Tipin khua ah an luh hi a si i mipi hriamtlai pawl he kahdohnak chikhat a chuah hnu ah khuachung an luh hi a si tiah theih a si.

About The Author

Na ruahning rak langhter ve.. (Leave a comment)