Victoria Tlang Cung Ah Motorcycle In Kai An Khap

TCP-Online| 2018 February 18|  Chin ramkulh Mindat peng Khonumthung tlang tiah auhmi Victoria tlang cung ah motorcycle in kai khap a si cang tiah Hotel & Tourism Director zung (Mindat Peng) in Director chang U Hung Ling nih a chim.

“Motorcycle in tlang cung a kai tawn tikah pawngkam thil, kokek thil pawl an thur hnawm. Cucaah tlang cung tiang motorcycle in kai cu kan khap cang. Motorcycle in a kaimi zong tlang cung phak lai khan khat aa duhnak ah motorcycle chiahnak ding zong kan chiahpiak hna.”

Victoria tlang ah hin tuan deuh khan cun tlang cung tiang Motor le Motorcycle in an rak kai kho. Nain kokek thilri, pawngkam pawl an thurhnawm tikah 2017 kum khan Motor in tlang cung tiang kai an rak khap cang. Tukum 2018 kum cun Motorcycle zong kai an khap hi a si.

Victoria tlang cu rili in khan/meng thong hra leng cung a sangmi tlang a si. Hi tlang ah hin Cherry par le Taungzalat par hna an tam khun i Kawlram ah a um tuk lomi va phun tete zong tampi an umnak, ramdang khual tlawng zong tampi a kal tawnnak tlang pakhat a si.

Ref:The Voice

About The Author

Editor

The Chinland Post
Web & Online Editor cu Salai Za Bawi Thawng a si. Online Editor pehtleihnak Email: thechinlandpost@gmail.com, pabawijuly19@gmail.com

See author's posts