June 17, 2024

Yinmarbin Ah SAC Ralkap Pawl nih Kum 25 Nu An Tlaihhrem I An Thah Hnu Ah A Ruak An Khangh

0

The Chinland Post | 2023 March 7 — Sagaing ramṭhen, Yinmarbin peng, Myauknun khua ah a lut mi SAC ralkap pawl nih March 3 ah Kum 25 a si mi Ma Moe Wai cu a bu in an tlaihhrem hnu ah an thah i a ruak an khangh beh tiah theih a si.

SAC ralkap 70 hrawng cu March 3 chun ah Yinmarbin peng Myauknun khua ah an lut i mipi inn 130 leng ciam dihlak in an khangh bantuk in thluak tlamtling lo a si mi U Phoe Ni (kum 50) cu mawṭaw he an khangh chih i Ma Moe Wai (kum 25) zong a tlau tiah MPF zong nih a langhter.

SAC ralkap pawl an luh ruang ah Myauknun khua telh in Yinmarbin peng ni tlaklei khuate in khuami thong tampi an zaam tiah theih a si.

SAC ralkap pawl nih February 28 thawk in Yinmarbin hmunhma ah mipi inn 700 leng a umnak Kone khua an khangh i inn 629 a ciamh leng ah Kone khuami 3 le Indaw khuami 1 an thah hna tiah theih a si.

About The Author

Na ruahning rak langhter ve.. (Leave a comment)