Ni 8 chungah kahdohnak voi 5 a chuak, SAC ralkap 60 leng an thi, CNA ralkap 2 an nunnak a liam
The Chinland Post | 2022 May 7 – Magway ramthen, Gangaw peng le Chin ramkulh Hakha khua karlak lam cung ah Chin National Army (CNA), CDF-Hakha, Hti Lin PDF phufonh hna le Gangaw khua in thazang 200 hrawng he ke in Hakha lei ah a kalmi SAC ralkap karlak ah April 22 in April 30 tiang chungah kahdohnak voi 5 a chuak i SAC ralkap 61 an thi, CNA ralkap 2 nih ram caah an nunak an pek tiah Chin National Front nih May 6 ah a thanh.
Magway ramthen, Pakokko khua lei in Chin ramkulh Matupi lei ah tampi he aa rak thawhmi SAC ralkap pawl cu CDF-Mindat le CDF-Matupi nih an rak kah ve hna tiah a cathanh chungah a telh chih.
About The Author
