Paletwa ralzaam hna an eidin awk a dih
The Chinland Post | 2023 January 20 — Chin ramkulh, Paletwa khuachung ah a um mi ralzaam Camp pawl hna January 19 a phak tiang ah eidin awk a um ti lo tiah ralzaam pawl nih Western News ah an chim.
Paletwa khua ralzaam pawl hi WFP nih thla fatin in tangka, eidin a bawmh lengmang hna i atu thla cheu a lonh tiang ah eidin bawmhnak a phak rih lo caah ralzaam pawl eidin awk lei harnak tampi an tong tiah an chim.
Tu thla ca eidin awk a phak rih lo caah eiawk hi a har ngai cang, zeiruang dah tutiang a phak hnga lo ti zong a fiang in theih a si lo tiah bawlung certual pawng ralzaam Camp in U Ye Dat Maung nih a chim.
Eidin bawmhnak a phak lo caah an har tuk cang bantuk in khuasik caan a si caah thillum le thianhlimhnak thilri pawl a herh tuk tiah cinthlak dum ralzaam Camp in U Shwe Sein Maung nih a chim ve.
SAC ralkap nih Abaungtha, Dalanwe, Kutaung telh in khua 5 kha papek in nan umnak ah nan kir ṭhan lai tiah an chimh hna tiah theih a si.
About The Author
