A Zarh 14 Nak Lottery In An Hmuh Mi Fund 2,187,000MMK Cu CDF-Paletwa An Kuat Hna
The Chinland Post | 2023 July 4 — Chin miphun Dothlennak tangka thazang a ṭhawn chin khawh nak hnga caah an tuah mi Lottery in a zarh 14 nak ah an hmuh mi Fund 2,187,000MMK cu CDF-Paletwa sin ah an kuat hna tiah Chin Relief Funding Program (CRFP) nih July 3 ah cathanh a chuah.
A zarh 14 nak Lottery ah Lottery catlap 242 an zuar khawh i Dollar 1,210 an hmuh mi chung ah laksawng ca ah Dollar 320 le Agent man ah Dollar 15 a dih, Fund caah Dollar 875 an hmuh tiah an langhter.
A zarh 14 nak ah vanṭha laksawng a hmu mi pawl hi Myanmar ram in an si hna i Pakhatnak laksawng hi Dollar 1,350 (ahlan a taang mi he fonh in), pahnihnak hi Dollar 40 le pathumnak hi Dollar 30 hna an si tiah theih a si.
Lottery ah aa teltum mi mipi hna nan zapi cung ah lunglawmhnak kan ngei tiah an thanh.
Lottery in hmuh mi tangka pawl cu hriamtlai pawl, IDPs pawl, hliam a tuar mi hriamtlai pawl, CDM bawmhnak phu le Chin ramkulh chung fimcawnnak, ngandamnak rian pawl ah an hman tiah theih a si.
About The Author
