Saibingyi Palek Sakhaan Kahdohnak Ah SAC ralkap 3 An Thi, Wetlet Ah SAC Ralkap Bomrap An Puah Hnawh Hna I 10 An Thi
The Chinland Post | 2023 July 4 — Sagaing ramṭhen, Tabayin peng, Saibingyi palek sakhaan kahdohnak ah SAC ralkap 3 an thi tiah A Pyu Yaung PDF phu nih cathanh an chuah.
June 30 zaanlei sml 6:30pm hrawng ah Tabayin peng, Saibingyi palek sakhaan in palek 4 cu sakhaan hmai mawṭaw lam an kham lio ah PDF phu pawl nih hmun 2 ṭhen in 40MM in an kah hna caah SAC ralkap 2 a hmun ah an thi i 2 fak ngai in an i hliam hnu ah adang 1 zong July 1 ah a thi chap tiah theih a si.
Cun July 2 ah Wetlet peng chung ah a um mi khuate pawl ah mipi thil an fir hnu ah Shingmaka khua ah a rak lut ṭhan mi SAC ralkap pawl cu Shingmaka le Shwetaung khuate karlak ah Tawgyi Mwepyoy phu le adang hawikom phu nih bomrap an puah hnawh hna caah SAC ralkap 10 an thi i cheukhat zong hliam an tuar tiah Tawgyi Mwepyoy phu nih an thanh.
About The Author
