Shwebo-Kyaukmyaung Lam Ah SAC Ralkap Nih PDF 1 le Minung 1 An Thah
The Chinland Post | 2023 July 4 — Sagaing ramṭhen, Shwebo peng, Shwebo-Kyaukmyaung lam, Kaw khuate le Taong khuate karlak ah SAC ralkap nih an tlaih mi PDF 1 le minung sawhsawh 1 cu SAC ralkap nih an thah hna tiah Myanmar Defense Force – Shwebo nih cathanh an chuah.
July 1 ah SAC ralkap gate ah tlaih a tong mi Myanmar Defense Force – Shwebo in hriamtlai Hein Wai Aung le min theih lo mi pa pakhat cu SAC ralkap nih an tlaih hna i an thah beh hna i an ruak zong lam kam ah an hlonh hna tiah theih a si.
Myanmar Defense Force – Shwebo chungtel Hein Wai Aung cu upatnak sang bik kan pek i a tang mi a hawile pawl nih a rian kan rak pehzulh lai tiah Myanmar Defense Force – Shwebo nih an ngaihchiatnak an langhter.
About The Author
