Mindat Peng Chung Ah Zuu le Beer Phorhnak Nawl An Phih
The Chinland Post | 2023 July 5 — Chin ramkulh, Mindat peng chung ah rithai si, zuu le beer pawl phorhnak/zuarnak nawl kan phih cang tiah CDF-Mindat nih cathanh an chuah.
Mindat peng chung zapi ah rithsi si, zuu le beer a ding mi an tlawm chin khawh nakhnga mipi hna nih lungkhat tein nan kan bawmh a herh bantuk in, beer le zuu a phor mi le a zuar mi kan hmuh hna ahcun fak pi in dantat nan si lai tiah an langhter.
Zuurit hna hi dothlennak a dawnkhantu taktak a si caah 2021 thawk in CDF-Mindat nih a tlaihnak hmunhma pawl ah zuu phorhnak nawl phih a rak si ko nain khuapi chung le Mindat-Kyaukhtu lam hna ah kan rak kham kho lo tiah an langhter.
Atulio hi Mindat khuachung kan tlaih khawh mi dirhmun a si bantuk in Mindat-Kyaukhtu lam zong ah CDF chungtel pawl nih gate an tuah khawh cang caah Mindat peng chung zapi ah zuu le beer phorhnak nawl an phih hi a si.
Nawl chuah mi zul lo in zuu/beer a phor mi kan in tlaih hna a si ahcun a voikhatnak ah kan hrawh dih lai, a voihnihnak ahcun phungning tein tlaih le dantat nan si lai tiah an langhter.
About The Author
