Ngwedwin Khua Kahdohnak Ah Mipi 15 An Thi
The Chinland Post | 2023 July 7 — Sagaing ramṭhen, Ayadaw peng, Ngwedwin khua July 5 zinglei ah chikhat hmunhma a rak khuar mi SAC ralkap pawl le PDF phu karlak ah kahdohnak a chuak i mipi 15 an thi tiah RFA nih a langhter.
SAC nih cun July 5 zinglei ah PDF pawl nih khuate chung ah hriamngan an kah caah sualnak ngei lo mipi 15 an thi, phungki 3 le mipi 4 tiah an zapi 7 an i hliam tiah July 5 ah an thanh ve.
Ngwedwin khua hi SAC ralkap pawl nih hriam an pek mi pyusawhtee pawl an tha ṭhawn tuk nak khua a si i SAC ralkap pawl nih hmunhma an rak khuar lengmang caah PDF pawl he atu le atu kahdohnak a chuak tiah People Media nih cun a langhter.
“Ngwedwin khua hi SAC ralkap a dirhkamh mi khua an si. Kahdohnak he aa pehtlai lo mi mipi cheukhat thihlohnak zong a um kho mi a si ko. Pyusawhtee pawl an tam lai” tiah Ayadaw PDF rianngeitu nih RFA ah a chim.
A luancia June 20 ah Ngwedwin khua ah hram a bunh mi SAC ralkap le pyusawhtee pawl sakhaan cu PDF phufonh nih Drone in bom an thlak hnawh hna. Meeting an tuah lio ah Drone in kan doh hna hi a si tiah PDF phufonh nih cathanh an chuah.
About The Author
