Aung San Suu Kyi He Tonnak A Ngei Mi Thai Ramdang Pehtlainak Minister Don Pramudwinai
Salai Mangpau | July 12, 2023 |
2021 kum SAC ralkap nih uknak a lak hnu an tlaih mi Myanmar Democracy hruaitu Daw Aung San Suu Kyi he a voikhatnak tonnak kan ngei kho tiah Thai ramdang pehtlainak Minister Don Pramudwinai nih ASEAN ram ramdang pehtlainak Minister pawl tonpumhnak Indonesia ram khuapi Jakarta ah a chim.
“Kan hnu zarhpi ni ah Daw Aung San Suu Kyi he tonbiaruahnak kan ngeih lio ah Myanmar ramchung raldohnak a dih zaunak lai le kaphnih karlak ton biaruahnak ngei ding a herh ko tiah Aung San Suu Kyi nih a chim” tiah Don Pramudwin nih a chim.
SAC ralkap nih uknak a lak hnu ah ramdang palai he Aung San Suu Kyi a voikhatnak ton khawhnak hi a si.” ASEAN ramdang pehtlainak Minister pawl meeting hlan ah Mr. Don Pramudwinai hi Myanmar a tlawng hmasa i, ASEAN meeting kainak nawl a ngei lo mi SAC ralkap Myanmar aiawh in biachim piaknak hnga khual a va tlawn a si ko” tiah NUG ramdang pehtlainak minister Daw Zin Mar Aung a chim.
Thai ram hi Myanmar ram buainak kong ah Lamthar ser in ton bia ruahnak zong Thai ram ah a tuah pah lengmang.
About The Author
