SAC Nih Thongtlai Mi 7000 Leng Luatnak A Pek Hna
Salai Mangpau | August 1, 2023 – August 1, 2023, Buddhist biaknak ni a si mi “Dhammacakka Sutta Day” ဝါဆိုလပြည့်ဓမ္မစင်္ကြာအခါတော်နေ့ le Min Aung Hlaing pura sakmi မာရဝိဇယ onnak ni can sunhsaknak caah Myanmar ram pumpi thonginn hmunkip ah thongtla mi hna chung in August 1 ah minung 7,749 cu luatnak a pek hna.
“Kum saupi thongthlak ding in biakhiahpiak mi President U Win Myint sual phawtnak chungin kum 4 kan zut, State Counsellor Aung San Suu Kyi zong sual phawtnak chungin kum 6 zut piak an si” tiah General Zaw Min Tun nih VOA ah a chim.
“Atu bantuk President U Win Myint le Daw Aung San Suu Kyi zeimawzat an case a zuhpiak hna, thonginn luatnak a si lo. Thongtla dirhmun in thlahdorhdeuhmi, လွတ်ငြိမ်းသက်သာခွင့် (လွတ်ငြိမ်းချမ်းသာခွင့်မဟုတ်)” tiah Dr. Tu Hkawng (Minister of MONREC a Cabinet member of NUG Myanmar) nih a chim.
Yangon, Insein thonginn ah thong a tla mi hna chung in luatnak a hmu ding mi hna cu an chungkhar nih thonginnka hram in an don cio hna tiah RFA nih a ṭial.
April 17, 2023 ah SAC nih Myanmar ramchung um thonginn hmunkip ah a ummi thongtla 3015 luatnak a rak pek mi a rak langhter bal.
SAC nih 2021 kum uknak a lak hnu, kumhnih le cheu chungah Myanmar ram mipi chungin sualnak ngei lo thongtla mi 24,123, le thonginn chung athi mi 38857 an um. Thongthlami lak ah ramkhel lei thongtla 17,460 an um tiah ramkhel lei thongtla zohkhenhtu phu Assistance Association for Political Prisoners (AAPP) nih a cazin ah a langhter.
About The Author
