Bomrap Cansualnak Ruang Ah CDF-Kanpetlet Hriamtlai 1 A Nunnak A Liam

The Chinland Post | 2023 August 4 – Chin ramkulh, Kanpetlet peng ah CDF-Kanpetlet nih hmunhma zohfelnak an tuah lio ah SAC ralkap nih an hmanh mi bomrap a puah sual caah CDF-Kanpetlet hriamtlai a si mi Salai Om Ke a nunnak a liam tiah CDF-Kanpetlet nih thawng an thanh.

August 3 chun sml 2:00pm hrawng ah Laungshay-Cinduai lam ah hmunhma zohfelnakm an tuah lio ah atu bantuk in bomrap a puah sual caah CDF-Kanpet B03 Commander a tuan lio mi Salai Om Ke a nunnak a liam hi a si.

Salai Om Ke nih ram le miphun caah a nunnak a pek caah CDF-Kanpet nih upatnak sang bik kan pek i tantak mi chungkhar hna zong kan ngeihchiatpi hna tiah cathanh an chuah.

About The Author

Editor

The Chinland Post
Web & Online Editor cu Salai Za Bawi Thawng a si. Online Editor pehtleihnak Email: thechinlandpost@gmail.com, pabawijuly19@gmail.com

See author's posts