Karenni Kahdohnak ah Ralhrang Battalion Lutlai Telh in A thimi an tam
Salai Mangpau | August 17, 2023 — Karenni kahdohnak ah Kalaw hrambumh Battalion 3 Commander Lt. Colonel, Deputy Commander telh in Mi-16 le Battalion 112 Ralbawi le a ralkap 14 an dihlak ralhrang 30 an thi tiah theih a si.
Karenni kahdohnak August zarh hnihnak ah Kalaw hrambumh Battalion 3 Commander Lt. Colonel, Deputy Commander telh in ralkap 16, Battalion 112 ralbawi le a ralkap 14 an dihlak ralhrang 30 an thi tiah SAC Eastern Command nih a chim tiah Khit Tit Media nih a langhter.
Kalaw hrambunh Battalion 3 commander, Deputy Commander 2 le an ralkap 14 fonh in mi 16 an thi. Cun, Kalaw hrambunh thiamthiam battalion 112 ah ralbawi telh in ralkap 14 an thi ve. A thimi ralkap 30 le battalion cu LIB 55 kuttang um an si hna.
Shan ramkulh a ummi SAC ralkap pawl cu Karenni ramkulh chungah operation an hun tuah. SAC lei nih an tlik tak mi sakhan hna lak than ding in Keralkap, Tilawng ralkap, Vanralkap phu fonh in Karenni ram lei ah an rak kai ngai tiah theih a si.
Photo/ Credit – January thla, 2023 Bago ramthen, Natgakuine-Kyaukkyi lam ah SAC ralkap a thimi ruak vui lio
About The Author
