SAC Hriam A Phor Mi Tlanglawng Landmine Buahhnawh A Ton
Salai Mangpau | 2023 August 20 — Yangon-Mandalay tlanglawng lampi Tawcuaiinn peng le Kangutkuine peng karlak Tabaikchaung tlanglawng tung 120/3-4 ah SAC hriannam, kuan-zen a phor tiah zumhmi tlanglawng cu mipi ralkap phu pawl nih August 18 zing 7 hrawng ah landmine an puah hnawh hna i tlanglawng aa let, tlanglawng lam aa rawk ngai tiah Ayeyawaddy times nih a langhter.
“ Hriamnam a phor tiah zumh mi a si. Tlawnglawng Container chung ah hriannam kan hmuh. Hriannam cu kan la manh ti lo. Bom kan puah khawh in kan kir colh” tiah mipi ralkap pakhat nih Ayeyawaddy times ah a chin chap.
SAC ralkap nih atu bom an buahnak tlanglawng lam hman in an ralkap thazang chapnak le hriannam phornak ah mah tlanglawng lam hi a hman tawn tiah theih a si.
Bago ramṭhen Pyu peng le Kyauktaka peng chung SAC le mipi ralkap kahdohnak a um pah tawn i, July 18 ni Kyauktaka pengchung mengtung 109/10 ke 109/11 kar tlanglawng lam cung um hlei pakhat zong mipi ralkap nih an hrawh bal.
Photo- Credit- Pyu-Kyauktakha tlanglawng bomb buah lio
About The Author
