Chin Ramkulh Mipi Palek Phu Dirhnak Phunglam An Thanh
The Chinland Post | 2023 August 21 — Chin ramkulh chung mipi palek phu thimnak lam in riankhinh mi palek bawizik le a changtu hruainak in mipi palek phu phunglam le sersiam ning cu Chin State People’s Police Force nih August 20 ah a thanh.
Chin ramkulh chung himnak le zauk phung a len nak hnga rianṭuannak caah ningcang tein le hmual ngei tein a kal khawh nak hnga zapi nih hnatlak mi “Chin ramkulh Mipi Palek Phu Phunglam le Sersiam Ning” ti mi cu August August 20 ah an thanh i cu phung ah palek bawizik le a changtu cu thim le riankhinh an si lai tiah an langhter chih.
SAC nih hramhram in uknak a lak ruang ah phunglam a tlau i Chin ramkulh chung ah zauk phung a len ṭhan khawh nak hnga le sual a buar mi pawl hlathlai le tazacuai khawh nak hnga CDM a tuah mi palek pawl le dothlennak caan chung ah mipi palek phu chungtel thar pawl nih rianṭuan ding cu peng mipi palek phu pawl nih 2022 October 9 ah meeting an tuah i caan karlak Chin ramkulh mipi palek uknak phu an dirh tiah theih a si.
Chin ramkulh chung caan karlak mipi palek uknak phu cu thimnak lam in riankhinh mi CDM a tuah mi palek bawi pawl hruai mi phu a si, ramkulh level mipi palek phu cu Chin National Counsaltative Council nih 2022 December 20 ah an theihpi hna i NUG ramchung lei Ministry kuttang ah a um mi mipi palek phu he phungning tein aa pehtlai mi mipi palek phu a si tiah an thanh.
Chin ramkulh chung caan karlak mipi palek uknak phu Chairman le Vice Chairman cu CDM palek pawl le Chin ramkulh chung mipi palek phu chungtel thar pawl nih zapi hnatlaknak in thim mi an si i Chin ramkulh chung palek bawizik rian le a changtu rian an ṭuan lai tiah theih a si.
About The Author
