KNU Brigade 5 Hmunhma, August Thlachung Kahdohnak Ah SAC Lei Captain Telh In 88 An Thi
The Chinland Post | 2023 September 4 — Karen ram, KNU Brigade 5 hmunhma, August thla chung ah kahdohnak voi 143 a chuak i SAC lei Captain 1 telh in 88 an thi tiah KNU nih thawng a thanh.
August 1-31 tiang ah kahdohnak voi 143 a chuak i SAC lei Captain 1 telh in 88 an thi, 57 an i hliam, SAC zung le adang inn 7, ralkap mawṭaw 1 hna an hrawh khawh tiah theih a si.
Kahdohnak pawl ah KNLA chungtel 5 nih ram le miphun caah an nunnak an pek i 26 an i hliam, SAC ralkap nih khuate lei ah hriamngan lung 96 an kah tiah theih a si.
August 18 ah SAC ralkap kahdohnak vanlawng 2 nih Bawkyolay khua le Poka khua karlak ah bom lung 4 a thlak, SAC ralkap vanlei kahdohnak le hriamngan ruang ah sualnak ngei lo mipi 1 a thi i 4 an i hliam tiah KNU nih a thanh.
Hmanthlak – Karen ram ah an tlaih mi ralkap pawl (Hmanthlak hlun)
About The Author
