Demoso Ah A Um Mi SAC Ralkap Sakhaan 2 An Lak Hnu Ah Ralkap Ruak Le Hriam Tampi An Lak Khawh
The Chinland Post | 2023 September 4 — Karen ram, Demoso peng ah SAC ralkap sakhaan 2 a si mi Thaesulay le Pupha sakhaan hna cu September 2 ah Karenni hmunhma dothlennak phu pawl nih an kah i sakhaan a pahnih ning tein an lak hnu ah a thi mi ralkap ruak pawl le hriam tampi an lak khawh leng ah a nung in an tlaih mi hna zong an um tiah kahdohnak hmunhma ah a um mi nih Khit Thit ah an chim.
September 2 le September 3 ah SAC Jet vanlawng pawl nih bom an thlak, Demoso hrambunh SAC ralkap pawl zong nih hriamngan in voi tampi an kah hna i September 3 zaanlei sml 5:05pm ah SAC Jet vanlawng pawl nih kahdoh fahnak Demoso peng kulh hel bom voi tampi an thlak tiah theih a si.
“Sakhaan 2 kan lak i hriam tampi zong kan lak khawh. SAC ralkap ruak kan hmuh mi zong an um bantuk in a nung in kan tlaih mi zong an um” tiah kahdohnak ah a um mi nih Khit Thit ah an chim.
About The Author
