Kalay-Tamu Lampi Ah Motor Cycle Le Kethum Ngei Cycle Kal Khawh A Si Cang
Salai Mangpau | September 12, 2023 — Kalay-Tamu lampi caansau nawn khar a si mi cu September 12, 2023 in Motor cycle le kethum ngei cycle pawl kal khawh a si cang motor belte kal khawh a si rih lo tiah theih a si.
Hlan ah Kalay in Khampat khua tiang motor in kal khawh a si i Khampat khua in Tamu ramri tiang ah suimilam 4 chung ramlak in umkal a si. Motor cycle citman ah kyat 70,000 man pek a si tawn. Kalay in Tamu umkalnak ah kallei-kirlei he tangka kyat 300,000 hrawng a dih tiah theih a si.
India ramri, Tamu peng ah kahdohnak a um pah lengmang caah Kalay-Tamu lampi motor kalumnak hi phih/khar a si lengmang. Tamu lam khar a si caan ah India lei in a lut mi thilri man a kai tiah Kalaymyo khuami pakhat nih a chim.
August 18, Kalay-Tamu lampi ah SAC nih Jet Fighter in kahdohnak a tuah, tualchung mi 500 leng India ram ah an zaam. Tamu peng, Kalay-Tamu lamkam um mi Bonegan (Zohmun) khua pawng ah SAC ralkap nih bomb a rak thlak i kahdohnak a rak um.
About The Author
