Myaing Ah SAC Ralkap Nih Minung 40 Leng An Tlaih Hna
The Chinland Post | 2023 October 2 — Magway ramṭhen, Myaing peng, Kyauksaung, Yuathit, Taung khua hna ah a luancia September 30 ah SAC ralkap pawl an lut i ramlak (thlam) ah a um mi minung 40 leng an tlaih hna tiah Delta News Agency nih a langhter.
“SAC ralkap an lut ti an theih caah an hrial hna, an hrialnak ah an i tong sual” Myaing PDF rianngeitu nih Delta News Agency ah a chim.
An tlaih mi hna chung ah upa, tar, nu le hngakchia pawl zong an i tel i cu chung ah an velh mi hna zong an um tiah a chim chap.
Cun adang thazang 100 leng SAC ralkap pawl cu Kyauksaung le Yuathit khua ah an lut i mipi thilri pawl an fir hnu ah Yuathit khua ah hmunhma an khuar tiah theih a si.
Hmanthlak – SAC ralkap nih 2022 September 14 ah kawl khuate mi an rak tlaih lio hna (hmanthlak hlun)
About The Author
