Dawei Ah A Um Mi SAC Ralkap Lung Mansung Cawhnak Hmun Cu Kawthoolei Army Nih An Khangh
The Chinland Post | 2023 October 9 — Taninthary ramṭhen, Dawei peng ah a um mi SAC ralkap le Tuluk miphun Company phufonh nih an ngeih mi lung mansung cawhnak hmun cu Kawthoolei Army nih an khangh khawh tiah theih a si.
October 7 ah Dawei peng, Latphuatto khua pawng ah a um mi, Kabar Company nih an tlaih mi lung mansung cawhnak hmun pakhat inn le mawṭaw pawl cu Captain L Khui hruai mi Kawthoolei Army (KTLA) nih an khangh tiah The Taninthary Times nih a langhter.
Cu lung mansung cawhnak hmun hi 2020 thawk in rianṭuantu 200 hrawng in Mine hmun 2/3 hrawng an cawh i rianṭuannak aa lim rih lo nain himnak ca ruah chih in Company rian an dinhter i a hngaktu lawng an chiah hna i 2022 kum dongh thawk in an chuahtak mi hmun a si.
About The Author
