Letphettaungywar Tower Tung Hngak SAC Sakhaan Kahdohnak Ah Ralbawi Telh In 22 An Tli/Zaam Dih Caah Fawi Tuk In Sakhan An Lak Khawh
The Chinlandpost | October 28, 2023 — Naypitaw Council uknak tang ah a um mi, Pyinmana peng, Pyithaungku khuakomh, Letphettaung khua ah hmunhma a khuar mi SAC ralkap pawl kahdohnak ah meithal thawng an theih bak in ralkap pawl an zaam dih caah SAC ralkap lei a thi mi um lo in sakhaan fawi tein an lak khawhnak kong cu Kyartanlung operation- Chalei Tantaung special mipi ralkap nih Yangon Khit Thit ah an chim.
October 23 zinglei ah Pyinmana peng, Letphettaung khua, Tower tung ah hmunhma a khuar mi SAC ralkap sakhaan cu Kyartalung operation le PDF bu hna nih an va kah hna. Meithal thawng an theih bak in sakhaan um SAC ralbawi telh in ralkap 22, sakhaan chung ralkap dihlak an zaam dih caah sakhaan fawi tuk in an lak khawh. A tli mi ralbawi pakhat zong SAC lei nih an tlaih khawh than tiah theih a si.
Photo/ Naypitaw council hmun, Pyinmana peng, Letphettaungkhua hmun a la mi ralkap sakhan umnak
About The Author
