Khampat Khua In A Zaam Mi Ralkap le An Chungkhar Pawl India Ranchung An Phan, Hliamhma He Cheukhat Ralkap An Thi
The Chinland Post | 2023 November 13 — Sagaing ramṭhen, Tamu peng, Khampat khua in a zaam mi ralkap le an chungkhar pawl cu India ramchung an phan hna i hliam a tuar mi ralkap cheukhat cu India ramchung ah an thi beh tiah theih a si.
November 7 ah Tamu peng, Khampat khua cu dothlennak phu pawl nih zinglei ah an lak khawh i Khampat khuachung um ralkap le an chungkhar pawl nih sakhaan an zaam tak i India ram chung ah an lut hna. Hliam a tuar mi ralkap pawl zong an i zaampi hna tiah theih a si.
“November 5 hrawng ah ralkap pawl cu an nupi le an fale he India ram chung ah an zaam hna. November 12 ah India ralkap nih a bawnh hna. Hliam a tuar mi zong an i tel. Cheukhat cu India ram chung ah thlop lo in an thi hna” tiah thil sining a thei mi nih Khit Thit ah an chim.
Khampat khua palek sakhaan chung in an lak khawh mi hriam pawl, palek bawi bantuk in aa um ter mi, palek thilri pawl zong dothlennak phu pawl nih hmanthlak he thawng an thanh.
About The Author
