Ralkap 29 India Ram Lei Ah An Zaam Chap
The Chinland Post | 2023 November 17 — Nizaan (November 16) ah ralkap 29 cu an hriam he India palek le Assam Rifle sin ah an zaam ṭhan tiah Mizoram News nih a langhter.
India-Myanmar ramri ah a um mi Tibual sakhaan cu CNDF nih an luhhnawh ‘overran’ hna hnu ah atu bantuk in an zaam hi a si tiah a langhter.
Rihkhawdar sakhaan lak kahdohnak ruang ah ralkap Mizoram lei a zaam mi hi an zapi 43 an si cang tiah a langhter.
India, Assam Rifle lei nih Mizoram News ah an chim ning ah ralkap 29 cu an ram ah kuat ṭhan an si cang tiah an chim.
A luancia November 13-14 tiang CNA hruainak in mipi hriamtlai phu hna nih India-Myanmar ramri ah a um mi ralkap Rih sakhaan le Tio sakhaan lak kahdohnak an tuah caah ralkap tampi atu bantuk in India ram lei ah an zaam hi a si.
About The Author
