Buthidaung hrambunh Ralkap Kha-Hti-Hla Sakhaan AA Nih An Lak
The Chinland Post | 2023 November 22 — Rakhine ram, Buthidaung hrambunh ralkap Kha-Hti-Hla sakhaan cu November 21 zinglei sml 8:00am hrawng ah an lak khawh tiah AA nih a thanh.
Kha-hti-hla sakhaan cu AA nih November 18 zinglei sml 8:00am in kahdoh an thawk i ralkap lei nih Helicopter, hriamngan hna bawm in an kah ṭhan ve hna i a nilinak ni lawng ah ṭha tein an lak khawh tiah theih a si.
Hriam chiah in a sung pek a duh lo mi ralkap pawl cu kan thah dih hna lai tiah an thanh bantuk in an kah hna i an lak hi a si tiah theih a si.
November 16 zong ah Maungdaw peng, Don-Nyo BGF sakhaan zong AA nih an kah hna i November 17 chun sml 1:00am hrawng ah an lak tiah Development Media Group nih a langhter.
About The Author
