Mindat Khua Baptist Biakinn Tual Chung Ah Hriamngan A Tlak Caah Mipi 2 An i Hliam
The Chinland Post | 2023 November 27 — Chin ramkulh, Mindat khuachung Baptist Biakinn tual chung, November 26 ah ralkap kah mi hriamngan a tl i a puah caah mipi 2 an i hliam tiah thawng theih a si.
Mindat hrambunh ralkap LIB 274 nih hriamngan an kah mi lung 3 cu Mindat khua, Myoma Baptist Biakinn tual chung ah a tla i a puah caah biaknak lei riannṭuantu nu 1 le adang pa pakhat an i hliam tiah November 26 ah Mindat khuami nih The Chinland Post ah an chim.
“November 26 zinglei sml 8:00am-8:30am ah Mindat hrambunh ralkap LIB 274 nih an kah mi hriamngan cu Myoma biakinn tual ah a tla i a puah caah mipi 2 an i hliam” tiah a chim.
Cuka hmun ah kahdohnak um lo pi in ralkap lei nih hriamngan an kah caah khuami 2 an i hliam hi a si.
Cu Mindat hrambunh ralkap nih an kah mi hriamngan nih nu le hngakchia zohkhenhnak zung pawng inn pakhat a hrawh tiah theih a si.
About The Author
