Tamu Ah Ralkap Sakhaan 1 An Lak Khawh I Ralkap Lei Minung 6 An Tlaih Hna
The Chinland Post | 2023 December 11 — Sagaing ramṭhen, Tamu peng chaklei, Aungzeyar khuate ah a um mi ralkap ralkap sakhaan pakhat an lak khawh i ralkap lei thawng petu 6 an tlaih hna tiah KNA-Burma sin in thawng theih a si.
December 10 zinglei sml 8:30am hrawng ah Tamu peng chaklei, Aungzeyar khuate ah a um mi ralkap sakhaan pakhat cu dothlennak phu pawl nih an lak khawh hi a si.
Ralkap lei thawng petu tiah ruah mi minung 6 zong an tlaih hna.
Cu ralkap sakhaan cu KNA-Burma le dothlennak phu pawl nih December 7 in kah hram an thawk i December 10 ah an lak khawh hi a si.
Kahdohnak chung ah KNA-Burma in kum 25 hriamtlai Lettinpao le pengkomh PDF in kum 22 a si mi hriamtlai 1 nih ram le miphun caah an nunnak an pek i adang hriamtlai 12 an i hliam tiah theih a si.
About The Author
