Shan Ram Thlanglei Pa’O Hmunhma, Hsihseng Khua Cu Kan Tlaih Dih Cang Tiah PNLA Nih An Thanh
The Chinland Post | 2024 January 29 — Pa’O hmunhma a daihnak hnga caah Pa’O Saw-bua hna nih chankhat hnu chankhat in an rak uk i Saw-bua Khun Ci nih a hnu bik a rak uknak Hsihseng khua zong PNLA nih an tlaih khawh cang i Pa’O miphun thandar zong kan tar khawh tiah PNLA nih thawng an thanh.
Myanmar ram pumpi kahdaihnak NCA ah min a thu i ralkap council he biaruahnak a ngei mi PNLO/PNLA nih ralkap council a doh hnu ni tlawmpal chung te ah khua pakhat a lak khawh hi a si.
PNLO/PNLA ralkap pawl an mawṭaw cu January 21 ah ralkap le a kuttang PNO nih Hopong peng San-phu khua ah an kah hna, cu thawk in PNLA le a hawikom phu nih Hsihseng khua lak kahdohnak an tuah hi a si.
PNLA nih January 26 zong ah ralkap LIB 424 sakhaan an lak khawh tiah theih a si.
Ralkap sin in an lak mi hriam phuntling zong hmanthlak he an langhter.
About The Author
